wo kamale husne huzoor hai lyrics
Wo Kamaal e Husn e Huzoor ﷺ Hai Ke Gumaan e Naqs e Jahaañ Nahi,
Yahi Phool Khaar Se Door Hai Yahi Sham’a Hai Ki Dhuaañ Nahi.
Do Jahaañ Ki Behtariyaañ Nahi Ki Amaaniye Dil_O_Jaañ Nahi,
Kaho Kya Hai Wo Jo Yahaañ Nahi Magar Ek Nahi Ki Wo Haañ Nahi.
Main Nisaar Tere Kalaam Par Mili Yuñ Kis Ko Zabaañ Nahi,
Sukhan Hai Jisme Sukhan Na Ho Wo Bayaañ Hai Jis Ka Bayaañ Nahi.
Wo Kamaal E Husne Huzoor Hai Lyrics
Ba-khuda Khuda Ka Yahi Hai Dar Nahi Aur Koi Mafar Maqar,
Jo Wahaañ Se Ho Yahiñ Aa Ke Ho Jo Yahaañ Nahi To Wahaañ Nahi.
Kare Mustafa (ﷺ) Ki Ihaanateñ Khule Bando Us Pe Jur’ateñ,
Ki Main Kya Nahi Huñ Mohammadi ! Are Haañ Nahi, Are Haañ Nahi.
Tere Aage Yuñ Haiñ Dabe Lache Fusahaa Arab Ke Bade Bade,
Koi Jaane Muh Zabaañ Nahi, Nahi Balki Jism Me Jaañ Nahi.
Wo Sharaf Ki Qat’a Haiñ Nisbateñ Wo Karam Ki Sab Se Qareeb Hai,
Koi Kah Do Yaaso Ummid Se Wo Kahiñ Nahi Wo Kahaañ Nahi.
Ye Nahi Ki Khuld Ki Ya Niku Wo Nikui Bhi Hai Aabru,
Magar Ay Madine Ki Aarzoo Jise Chaahe Tu Wo Samaa Nahi.
Hai Unhi Ke Noor Se Sab Iyaañ Hai Unhi Ke Jalwe Me Sab Nihaañ,
Bane Subh Taabishe Mehr Se Rahe Peshe Mehr Ye Jaañ Nahi.
Wahi Noor_e_Haq Wahi Zill_e_Rab Hai Unhi Se Sab Hai Unhi Ka Sab,
Nahi Un Ki Milk Me Aasmaañ Ki Zameeñ Ki Zamaañ Nahi.
Wahi Laa_Makaañ Se Makeeñ Hue Sare Arsh Takht_e_Naseeñ Hue,
Wo Nabi (ﷺ) Haiñ Jiske Haiñ Ye Makaañ Wo Khuda Hai Jiska Makaañ Nahi.
Sare Arsh Par Hai Teri Guzar Dil_e_Farsh Par Hai Teri Nazar,
Ma-lakoot_o Milk Me Koi Shai Nahi Wo Jo Tujh Pe Iyaañ Nahi.
Karooñ Tere Naam Pe Jaañ Fida Na Bas Ek Jaañ Do-Jahaañ Fida,
Do-Jahaañ Se Bhi Nahi Jii Bhara Karooñ Kya Karodo Jahaañ Nahi.
Tera Qad To Naadir_e_Dahr Hai Koi Misl Ho To Misaal De,
Nahiñ Gul Ke Paodo Me Daaliyaañ, Ke Chaman Me Sarwe Chamaañ Nahi.
Nahi Jis Ke Rang Ka Dusra Na To Ho Koi Na Kabhi Hua,
Kaho Us Ko Gul Kahe Kya Bani Ke Guloñ Ka Dher Kahaañ Nahi.
Wo Kamaal E Husne Huzoor Hai Lyrics
Karooñ Mad’he Ahle Diwali Raza Pade Is Bala Me Meri Balaa,
Main Gada Huñ Apne Kareem Ka Mera Deen Paaraye Naa Nahi.